ឯកឧត្តម ប៉ាន សូរស័ក្តិ៖ ព្រឹត្តិការណ៍អង្គរសង្ក្រាន្តឆ្នាំនេះនឹងរកចំណូលរាប់លានដុល្លារសម្រាប់ពលរដ្ឋខេត្តសៀមរាប

ឯកឧត្តម ប៉ាន សូរស័ក្តិ៖ ព្រឹត្តិការណ៍អង្គរសង្ក្រាន្តឆ្នាំនេះនឹងរកចំណូលរាប់លានដុល្លារសម្រាប់ពលរដ្ឋខេត្តសៀមរាប

ឯកឧត្តមប៉ាន សូរស័ក្តិ​ រដ្ឋមន្ត្រីក្រសួងពាណិជ្ជកម្មកម្ពុជា បានមានប្រសាសន៍ថា ការបង្កើតព្រឹត្តិកា​រណ៍​អង្គ​រ​សង្ក្រានឆ្នាំនេះ​នឹង​រក​ចំណូល​បា​នរាប់លានដុល្លារសម្រាប់ពលរដ្ឋខេត្តសៀមរាបអង្គរ ដែលកម្មវីធីនឹងប្រព្រឹត្តទៅនៅបុណ្យចូលឆ្នាំប្រពៃណីជាតិខ្មែរ។

ព្រឹត្តិការណ៍អង្គរសង្ក្រានឆ្នាំនៅនឹងប្រព្រឹត្តទៅក្រោមប្រធានបទ«ការចូលរួមអបអរសាទរពិធីបុណ្យចូលឆ្នាំប្រពៃណីជាតិខ្មែរ» ដែល​ប្រព្រឹត្ត​ទៅនៅខាងមុខឧទ្យានជាតិអង្គរ​ ខេត្តសៀមរាប។ ចំណែកកម្មវីធីគ្រោងនឹងរៀបចំឆ្នាំ២០១៧នេះ មានដូចជា កម្មវិធីភូមិខ្ញុំ កម្មវិធី​អភិរក្ស​បេតិ​កភណ្ឌ កម្មវីធីទាញព្រ័ត្រមិត្តភាពអង្គរសង្ក្រាន កម្មវិធីគុណល្បុក្តតោជាដើម។

ឯកឧត្តម សំហេង បុរស ជាអនុប្រធានក្រុមការងារប្រតិបត្តិរៀបចំព្រឹត្តិការណ៍អង្គរសង្ក្រានមានប្រសាសន៍ថា មូលហេតុ​នៃការរៀបចំព្រឹត្តិ​ការ​ណ៍អង្គរសង្ក្រាននេះឡើងគឺដើម្បីឲ្យយុវជន ប្រជាពលរដ្ឋខ្មែរទំាងអស់ ក៏ដូចជាជាតិសាសន៍ដទៃបានស្វែងយលពីមរតក អរិយធម៌ វប្ប​ធម៌ ទំនៀមទំលាប់ និងប្រពៃណីខ្មែរ ហើយរួមគ្នាថែរក្សា​ អភិវឌ្ឍន៍ និងលើកតម្កើនព្រឹត្តិការណ៍នេះជារៀងរហូតទំាងអស់គ្នា នឹងដើម្បី​ដាក់​ប​ង្ហាញជូនដល់ភ្ញៀវជាតិ អន្តរជាតិចូលរួមកន្សាន្តនៅលើទឹកដីនៃខេត្តសៀមរាបអង្គរ។

សូមបញ្ជាក់ផងដែរថា ព្រឹត្តិការណ៍អង្គរសង្ក្រានឆ្នាំ២០១៧នេះ ត្រូវបានរៀបចំជាថ្មីម្តងទៀត ដោយផ្អែកលើភាពជោគ​ជ័យត្រ​ចះ​ត្រ​ចង់​នៃព្រឹ​ត្តការណ៍នាបណ្តាលឆ្នាំកន្លងទៅ។ ជាក់ស្តែងយោងតាមរបាយការណ៍ពីក្រសួងទេសចរណ៍បានបញ្ជាក់ថា ឆ្នាំ២០១៦ តាមរ​យៈព្រឹ​ត្តិការណ៍នេះ ខេត្តសៀមរាបទទួលបានចំណូលសេដ្ឋកិច្ចបានចំនួនប្រមាណ៨០លានដុល្លារ​ និងភ្ញៀវទេសចរជាតិ និងអន្ត​រ​ជាតិ​ចំនួន​១​លាន​៣សែននាក់ផងដែរ៕