៧ថ្ងៃទៀតដល់បុណ្យបរិភោគសត្វឆ្កែដ៏ព្រៃផ្សៃរបស់ចិនទៀតហើយ

ការត្រៀមរៀបចំសម្រាប់ពិធីបុណ្យសាច់ឆ្កែរបស់ចិនដែលត្រូវបានគ្រោងនឹងធ្វើឡើងនៅក្នុងភាគខាងត្បូងក្នុងទីក្រុង Yulin, Guangxi Zhuang ។ អ្នកស្រុកក្នុងតំបន់កំពុងរង់ចាំសត្វឆ្កែទៅដល់ ទើបពួកគេអាចរៀបចំការងាររបស់ខ្លួនបាន ខណៈពេលដែលពាណិជ្ជករកំពុងព្យាយាមស្វែងរកសត្វឆ្កែដើម្បីបំពេញតាមតម្រូវការ។

ជំហានដំបូងនៃពិធីបុណ្យនេះបានកំពុងដំណើរការរួចទៅហើយ ដោយសត្វឆ្កែរាប់ពាន់ក្បាល ត្រូវបាននាំចូលមកពីទូទាំងប្រទេសដើម្បីទីក្រុង Yulin នេះ។ សត្វឆ្កែទាំងនោះត្រូវបានដាក់នៅក្នុងទ្រុង និងបានទុកចោលដោយគ្មានអាហារនិងទឹក និងគ្មានខ្យល់ដកដង្ហើមគ្រប់គ្រាន់។ ការធ្វើដំណើរនេះអាចមានរយះពេលពីពីរម៉ោងរហូតដល់ទៅពីរឬបីថ្ងៃ។ សត្វឆ្កែមួយចំនួនបានស្លាប់យ៉ាងគួរឲ្យអាណិតក្នុងការធ្វើដំណើរនេះ។

នៅពេលសត្វឆ្កែមកដល់នៅក្នុងក្រុង Yulinហើយ ពួកគេត្រូវបានលក់ទៅឱ្យភោជនីយដ្ឋានឬចុងភៅឯកជន។ ដើម្បីធានាឱ្យបាននូវភាពស្រស់នៃសាច់ សត្វឆ្កែទាំងនោះត្រូវបានរក្សាទុកនៅក្នុងទ្រុងតូចនៅជិតផ្លូវធំ ដូច្នេះអតិថិជនអាចជ្រើសរើសសត្វឆ្កែមួយណាដែលពួកគេចង់ឲ្យចម្អិន។